|
|
PRESENTAZIÓN
(presentación en castellano)
La requesta cada bez més gran d’es Pirineus como zona
bacazional mos ha feit pensar en apatusquiar un local polibalente en el
munizipio de Campo, y en creyar una asoziazión cultural denomidada “Ball Axén” que responda a las
nezesidaz actuals pllateras que beyem dende iste munizipio.
Los que bibim en la comarca de la Ribagorza no sem guaire conszientes de la riqueza que mos rodea. Los suyos
balors, malas que los conozes, te combidan a promozionar-la mirán que las personas que mos
bisitan tiengan como complemento d'ozio turistico los nuestros recursos,
que'n son una ripa.
Pretendem d’organizar y elaborar una serie de rutas guiadas con la fin
d'espardir el nuestro importante Patrimonio Cultural y Artistico, asinas como la nuestra interesante
istoria.
Las rutas se ferán sobre lo que consideram d'interés en Campo, como puede ser: armitas u ilesias romanicas, monesterios,
chazimientos romanos, cobas, dólmens, menirs, tumulos, nebers, abres singulars u milenarios, castiellos, casas
mediebals, rutas de montaña con los suyos extraordinarios paraches, minas de diferentes minerals explotadas
d'antes, etc.
Sabem que no ye prou con conozer iste gran patrimonio, tamé ñ'hai que
dibulgar-lo y compartir-lo con la chen que mos bisita.
El local constará de zonas funzionals, que se podrán adaptar a los diferentes intereses que mos
baigan ocupán. Tendrá una sala d’exposizión y un otra d’audiobisuals: en la primera se i podrá amostrar tot el conteniu que se
baiga traballán, amés de ser un espazio creatibo aon las personas puedan exponer los suyos traballos, ben artisticos u artesanals; y en la segunda, amés
d'exponer los bideos pa ofrezer las rutas, serbirá tamé pa diferentes artes
eszenicas (conziertos, teatro, etc) y conferenzias (antropolochía, etnografía,
istoria, cheolochía, etc.). Las dos zonas se podrían achuntar si ñ'abese
ebentos que'l exichisen asinas.
La nuestra comarca está experimentán en els zaguers años un aumento de
poblazión ben importante, aumentán con ixo la requesta d’actibidaz
relazionadas con l'ozio, pero mos trobam tamé debán d'uns recursos radius pa poder-las fer en traza. Ye per ixo que
em queriu fer la nuestra Asoziazión.
Cal, pues, que aquels ayuntamientos de la comarca que estigan d'acuerdo con los
objetibos de l'asoziazión mos faigan llegar tot el material que consideren
d'interés pa, en primeras, catalogar-lo, dimpués imbentariar-lo y, en zagueras,
dibulgar-lo.
El Presidente de la Chunta Chestora
Cosme Castán Campo
>>
Beyer Dossier de Presentazión del Proyecto (.pdf 6,3 Mb)<<
|
